Enviar a un amigo
Opinar
ImprimirAlfonso Rueda está seguro de que moitísima xente de Pontevedra mostrará a Rajoy o seu agarimo o domingo
O vicepresidente da Xunta e candidato á presidencia do PP na provincia de Pontevedra, Alfonso Rueda, dixo estar “seguro” de que “moitísima xente”, militantes populares e tamén os que non o son, “quererán demostrarlle” ao presidente do Goberno en funcións e líder do Partido Popular no ámbito nacional, Mariano Rajoy, o seu “desacordo” coa declaración de persoa non grata que adoptou a corporación da súa cidade.
Preguntado polo congreso do PP pontevedrés, que presidirá o domingo Rajoy, descartou que haxa unha homenaxe programada, pero afirmou estar “seguro” de que “moitísima xente que vaia ao congreso quererá demostrarlle o seu agarimo, e o seu desacordo” coa decisión do goberno municipal.
“Que non serán só os militantes do PP que estean no congreso, senón moitísima xente de Pontevedra que tampouco é do PP -e que está- totalmente en desacordo e mesmo avergoñada por esa declaración de persoa non grata que fixo o equipo de goberno de Pontevedra, o alcalde, o Partido Socialista e as ‘mareas”, expuxo.
Respecto diso, criticou que “agora parece que se arrepinten algúns”, en referencia directa ao alcalde, o nacionalista Miguel Anxo Fernández Lores, “dicindo que bo, que en fin, que non foi unha cousa súa”. “Pero o certo é que votaron a favor diso”, engadiu.
REUNIÓNS COMO CANDIDATO
Sobre os dous congresos xa celebrados este pasado fin de semana, o aínda secretario xeral do PP galego sinalou que “todo” foi “conforme o anunciado”, e indicou que este sábado e este domingo “serán os dous seguintes, o último o de Pontevedra”.
El, pola súa banda, está a “dedicarse como candidato” a reunións “coa xente do partido”, como a que mantivo este mesmo domingo no Salnés, para explicar o seu proxecto e o que quere “facer”, así como para “escoitar” aos afiliados.
Sobre este extremo, apuntou que non hai “ningunha novidade” e que unicamente queda “unha última reunión coa militancia de Pontevedra”. “O domingo o que esperamos é ter un bo congreso”, finalizou.
