A Deputación da Coruña colabora coa UdC nas IX Xornadas de Dereito Administrativo Iberoamericano

Sinatura do convenio de colaboración

O Deputado de Patrimonio, Contratación e Equipamento, Xesús Soto e o reitor da Universidade da Coruña, Julio E. Abalde, asinaron este mércores día 9 un convenio de colaboración para a organización das IX Xornadas de Dereito Administrativo Iberoamericano.

O convenio asinado polos representantes da Universidade da Coruña e a Deputación da Coruña considera como “obxectivo estratéxico fundamental” as relacións de cooperación cos países latinoamericanos no que se insire a conmemoración das IX Xornadas de Dereito Administrativo Iberoamericano que se desenvolverán do 14 ao 18 de marzo no Pazo de Mariñán.

“Contratación, Ordenación do territorio e boa administración”, é o título das xornadas dirixidas a especialistas procedentes de Universidades Iberoamericanas que dirixe Jaime Rodríguez Arana e que está patrocinado pola Deputación da Coruña.