Unha xoven tivo que ser evacuada en helicóptero tras sufrir un accidente en Tordoia

Unha moza de 23 anos foi evacuada en helicóptero medicalizado ao Hospital Clínico de Santiago tras sufrir un accidente de tráfico na localidade coruñesa de Tordoia. Segundo informaron fontes do Centro de Atención a Emerxencias 112-Galicia, o suceso ocorreu sobre as 12,30 horas deste xoves na estrada que une Alxeriz e Cabaleiros, onde o coche que conducía a moza saíuse da estrada e envorcou.

Até o lugar do suceso desprazáronse os Bombeiros de Ordes, a Garda Civil de Tráfico e a Policía Local, así como o helicóptero medicalizado do 061 con base en Santiago, que trasladou á ferida até o Hospital Clínico de Santiago.