Marc Taeger gaña o concurso de carteis do Entroido de Bueu

Cartel gañador
O gañador do concurso de carteis do Entroido 2016 organizado polo Concello de Bueu é Marc Taeger, debuxante e dirixente da librería especializada en literatura infantil e xuvenil Lobocoxo.
O xurado, composto pola gañadora e finalista do ano pasado, Marta Díaz e Dana Díaz, e pola concelleira de Turismo, Silvia Carballo, reuniuse hoxe ás 13.30 horas na Sala Domínguez Búa, e decidiu outorgar o premio de 300 euros a Taeger, polo feito de que se trate dun cartel moi artístico, colorido e pictórico, e que logrou capturar moi ben o espírito do Entroido.











