Gran actuación dos atletas da Ximnástica por toda a xeografía nacional

Pasados uns días da Copa do Rei, os atletas da Sociedade Ximnástica continúan a súa preparación para o Campionato de España; participando nos últimos días en competicións por toda a xeografía nacional e con resultados positivos.

En Antequera, Alberto Salcedo correu o dobre hectómetro cun bo rexistro de 21.63. No localidade británica de Eton, Julián Ortiz asinou en meta 7.87, na proba de 60 metros valas. En Madrid Gonzalo Sánchez-Camacho parou o crono en 6.95, nos 60 metros lisos. Dous atletas correron os 400 metros, Ignacio Sarmiento, especialista de 400 metros valas, realizou un tempo de 49.90 en San Sebastián e Roberto Tello, que se incorporou esta tempada á Ximnástica, 49.76 en Sabadell, colgándose a medalla de prata do autonómico sub23.

Por último non hai que esquecerse do acontecido no Medio Maratón de Coruña, con preto de 2.000 corredores, de entre os que destacou Manuel Furtado, cun quinto posto e un rexistro de 1 hora, 7 minutos e 49 segundos.