Franquiatlántico presenta a XVI edición do Salón das Franquicias a Carmela Silva

Raquel Robledo na reunión con Carmela Silva

A directora de “Franquiatlántico”, Raquel Robledo, presentoulle hoxe á Presidenta da Deputación de Pontevedra, Carmela Silva, a XVI edición do Salón das Franquicias que celebrarase en Vigo entre o 26 e 27 de febreiro.

Ambas mantiveron unha xuntanza esta mañana, na que a directora de Franquiatlántico informou do despegue deste sistema empresarial na nosa comunidade autónoma onde temos 48 empresas que estenden a súa actividade en todo o territorio nacional e algunhas a nivel internacional.

De feito ao longo de 2014 estas empresas galegas tiñan 2.167 establecementos abertos en todo o país dando emprego a máis de sete mil persoas e cunha facturación superior os 550 millóns de euros.

Galicia é a quinta comunidade por sedes de franquicias en todo o país, o que representa a importancia deste tipo de novas empresas na nosa provincia. Precisamente na edición deste ano do salón vaise presentar unha nova franquicia de tinturerías denominada “wash in town” nacida en Vigo.

A Presidenta da Deputación, pola súa banda, destacou a importancia deste tipo de mostras que permiten aos emprendedores acadar un tipo de negocio con todo o apoio tecnolóxico, de negocio e de marketing necesario para impulsar os seus proxectos empresariais. Silva subliñou o traballo que, o través dos distintos centros do CPAE, ven facendo a Deputación na formación e o asesoramento aos emprendedores para a montaxe dos seus negocios ademais da oferta que ofrecen os viveiros das empresas dos polígonos industriais de Barro-Meis e de Lalín para a instalación das novas empresas. Precisamente, ambos viveiros empresariais están a ofrecer tamén espazos de coworking para o impulso dos emprendedores nos primeiros meses, con formación e tutorización dos seus proxectos.