Condenan a seis anos de internamento ao menor acusado da morte de Jimmy

O Xulgado de Menores número 4 de Madrid condenou a seis anos de internamento de réxime pechado, seguido de dous anos de liberdade vixiada, ao menor A.C.G., acusado da morte do siareiro de Deportivo de La Coruña Francisco Javier Romero Taboada, coñecido como ‘Jimmy’, o pasado 30 de novembro de 2014, nas inmediacións do Vicente Calderón, en Madrid Río.

Segundo a sentenza, ditada o 10 de febreiro, o xuíz expedientou o menor por ser o autor responsable dun delito de rifa tumultuaria, un delito de tenza ilícita de armas e un delito de homicidio.

Na mesma sentenza o xulgado declara tamén ao menor expedientado I. D. C. autor responsable dun delito de rifa tumultuaria e dun delito de tenza ilícita de armas e imponlle un ano de liberada vixiada.

Ao terceiro menor, J. P. C. N., autor responsable dun delito de rifa tumultuaria, imponlle 60 horas de prestacións en beneficio da comunidade, que se substituirán, en caso de que o menor non preste o seu consentimento ou as incumpra, por cinco permanencias de fin de semana en centro pechado.