Boa actuación dos galegos no inicio de tempada do nacional de Trial

Onte, día 31 de xaneiro, iniciouse o nacional de Trial na localidade de La Nucía (Alicante), onde os deportistas galegos tiveron unha destacada actuación: Martín Riobó vencía con rotundidade na categoría de Cadetes, sendo o único piloto desa categoría que realizou unha volta completa sen ningún punto de penalización.

Gabriel Marcelli, tras lograr o título de Campión de España de Trial Júnior no 2015, estreábase na categoría de TR2 logrando o 2º posto da clasificación.

Outros galegos que participaron nesta proba do nacional foron: Alen Damíl que finalizo una 6ª posición da categoría Júnior e Yago Armesto que foi 7º na categoría de Cadetes.

A seguinte proba do Nacional de Trial será en Mallorca o 28 de febreiro, na que confiamos en que os galegos volvan a lograr resultados destacados.

Acompañamos con fotografías de Grabriel Marcelli, do podio da categoría Cadete con Martín Riobó na primeira posición e do podio de TR2 con Marcelli no segundo posto.