Anxo Lorenzo participa na entrega dos premios 1000 Caminos de Martín Códax

Anxo Lorenzo na entrega de premios

O secretario xeral de Cultura, Anxo Lorenzo, participou hoxe na entrega dos premios 1000 Caminos das Adegas Martín Códax, un certame que ten como obxectivo central a posta en valor dos Camiños de Santiago, a través das experiencias e vivencias dos peregrinos e peregrinas.

Na sexta edición do concurso resultaron gañadores Manuel Blanco, Alexandre Pereira e Manuel Vidal, nas modalidades de mellor fotografía, mellor microrrelato e mellor guía secreta, respectivamente.

Os premiados recibiron cadanseu galardón nun acto que tivo lugar esta mañá no Museo das Peregrinacións e de Santiago, coa participación do presidente de Martín Códax, José Martínez; do fotógrafo Pepe Ferrín e de Manuel González, membros do xurado.