Xulio Ferreiro descártase para optar á Xunta e di que pensar en candidatos sería “comezar a casa polo tellado”

O alcalde de A Coruña, Xulio Ferreiro, descartouse para ser candidato á Xunta de Galicia cun movemento de confluencia cidadá como o xurdido nas eleccións xerais, ao tempo que manifestou que pensar en candidatos neste momento sería “empezar a casa polo tellado”.

En declaracións aos xornalistas, sinalou que aínda non se debe falar de posibles candidatos. “É máis importante falar de qué proceso nos vai conducir ás autonómicas, como se monta esa candidatura”, afirmou.

Ademais, avogou porque esa candidatura sexa “máis ampla que a de En Marea e de base cidadá”. Para iso, considerou que, antes que falar de candidatos, hai que falar de “metodoloxía”.

En canto á posibilidade de encabezar unha candidatura nas eleccións autonómicas, sinalou que está comprometido co Concello. “Estou ilusionado co alcalde e quero ser alcalde durante moitos anos, se poden ser oito mellor que catro”, indicou, entre sorrisos.