Os alcaldes das mareas, Blanco, Besteiro e o conselleiro de Cultura, confirmados para o Cocido solidario de Lalín

Os tres alcaldes das mareas –Jorge Suárez (Ferrol), Xulio Ferreiro (A Coruña) e Martiño Noriega (Santiago), o eurodeputado socialista José Blanco, o secretario xeral do PSdeG, José Ramón Gómez Besteiro, e o conselleiro de Cultura, Román Rodríguez, xa confirmaron a súa asistencia á festa do Cocido de Lalín, que por primeira vez terá carácter solidario.

Segundo explicou o rexedor desta localidade pontevedresa, Rafael Cuiña, “os beneficios desta comida” irán para a Asociación de Rapazas e Amigos con Necesidades Especiais (Aranes). Tamén haberá unha fila cero para recadar fondos.

Ademais, destacou que será “a comida máis plural da historia” da festa do Cocido, xa que “antes só ía xente do PP” e era unha festa “elitista” de “prensa rosa”. “Este concepto cambiou”, subliñou.

O rexedor de Lalín acudiu este venres á cidade de portuguesa de Braga, a terceira máis importante do país luso, para facer promoción de a festa de Cocido e tratar de atraer os veciños a esta festa, que dura dende o 15 d xaneiro ata o 14 de febreiro, pero que ten como día forte o 31 co cocido, e que conta con máis de 50 actividades.

Nestes actos promocionales, repártense ao redor de 250 tapas de cocido, aínda que nesta ocasión, en Braga, están previstas 400 porcións para degustar un dos produtos gastronómicos estrela de Galicia.

Na comida oficial hai 350 prazas e “pode ir todo o mundo”. “Queremos recuperar a festa para o pobo”, resaltou Rafael Cuiña, quen tamén confirmou a presenza doutros alcaldes como o de Vilar de Santos ou Cotobade.