O Santiago Futsal visitará ao líder no seu segundo partido da semana

A 18ª xornada da LNFS chega este fin de semana cun dos partidos máis esixente da tempada. Os de Santi Valladares visitan mañá ao actual líder da competición, invicto na primeira fase do campionato, pero ao que os celestes xa lle plantaron cara no encontro de ida nun do partido máis completos da zaga galega.

A expedición do Santiago Futsal desprazarase esta tarde a Madrid para disputar mañá o encontro que os enfronta a Movistar Inter no Pavillón Jorge Garbajosa (Torrexón de Ardoz, Madrid) ás 18.30h. Devandito encontro será televisado en directo pola web da LNFS.

Santiago Futsal chega a este encontro asentado na 12ª posición da táboa, cun total de 18 puntos no seu contador; 11 puntos por enriba do descenso e observando de preto os postos nobres, dos que dista tan só 4 puntos (Levante UD DM é 8º con 22 puntos). Os de Santi Valladares encadean un refacho de dous empates e unha vitoria nos seus últimos tres encontros a domicilio, o último  do pasado luns na difícil pista do 4º clasificado, Magna Gurpea, por 4-4.

Pola súa banda, Movistar Inter, líder da competición ligueira, non perdeu un só encontro en todo o campionato, e tan só cedeu dous puntos no encontro que empatou ante UMA Antequera por 4-4 o pasado mes de Outubro.

Os resultados na pista dos madrileños non acompañaron ao Santiago Futsal nas súas últimas visitas. Hai xa 10 anos que o, por aquel entón, Autos Lobelle, acadou a derradeira vitoria santiaguesa ante, o daquelas, Boomerang Interviú por un contundente marcador de 1-4.

Por outra banda, no encontro de ida desta tempada, os “guerreiros da terra” puxeron contra as cordas aos de Jesús Velasco, nun partido moi aberto e que se decidíu nos instantes finai.  Cando o marcador reflectía un 2-3 e os de Santiago arriscaron con porteiro-xogador, Cardinal aproveitou unha contra de Ricardinho para facer o 2-4 definitivo.

Para o encontro de mañá, Santi Valladares non poderá contar con Pablo Tallón nin David Palmas, lesionados de longa duración, nin con Pablo Mel por termos no seu contrato de cesión.

Sala de prensa

O técnico do Santiago Futsal, Santi Valladares compareceu esta mañá en rolda de prensa previa ao encontro ante Movistar Inter do que dixo “Movistar Inter ten un equipo moi forte, un persoal moi equilibrado en todos os aspectos e con moitas variables: xogo de 4, de pivote, no 1×1… Con moitos internacionais, e que só empatou un partido no que vai de tempada. É un equipo chamado a ser campión de Europa. Pero nós tamén temos as nosas armas. Sabemos que a estes equipos hai que incomodalos, desquiciarlos un pouquiño e tentar meterlles man ata onde nos deixen.”

Valladares tamén se referiu á súa sanción de 4 partidos, da que xa cumpríu un e que cumprirá tamén en Madrid “O plantel traballou moito en como analizar as situacións e a toma de decisións. Todos teñen os conceptos claros. Ademais, temos ao preparador físico Marcos Mecías, que exerce as súas funcións e máis, e ao que os xogadores axudan moito. Todos se axudan mutuamente. Aí demostramos que somos un equipo, todos unidos, falte quen falte.”

Pola súa banda, Pablo Mel, xogador do Santiago Futsal cedido por Movistar Inter e que non poderá xogar o encontro de mañá por termos contractuais, falou da frustración que lle causa non poder xogar este tipo de partidos “Xogar contra os equipos grandes sempre é unha ilusión, e máis se é contra o equipo da túa casa. Non poder xogar é un amolo moi grande, sobre todo por non poder axudar ao teu equipo. Cando chega a semana do partido, e ves que non podes xogar, amólache.”

O xoven xogador madrileño tamén quixo destacar a confianza que ten no grupo e nos seus compañeiros “É incrible o que vimos facendo nos últimos 2 meses. Ver como este equipo cre en calquera situación. O outro día en Navarra foi espectacular como en ningún momento viñémonos abaixo, non tiñamos dúbidas, confiabamos en nós mesmos. En Santa Coloma igual, todo o tempo crendo e confiando. Esta é unha cousa que non podemos perder, porque nos identifica como grupo e se a tes, aumenta as posibilidades de puntuar e de gañar.”