O Consorcio provincial de bombeiros de Lugo aproba un orzamento para 2016 de 4,8 millóns de euros

O Consorcio provincial de bombeiros de Lugo aprobou hoxe un orzamento de 4,8 millóns de euros para 2016, unha cantidade asumida nun 50% pola Xunta de Galicia e a Deputación de Lugo.

O Pleno, no que participou o director xeral de Emerxencias e Interior, Luis Menor, aprobou a inclusión do Consorcio Provincial de Bombeiros na RESGAL, unha rede oficial de comunicación, directa e a tempo real, dos traballadores de emerxencias, na que se integran, entre outros, os Grupos de Emerxencia Supramunicipal (GES), Protección Civil ou Brigadistas da Xunta de Galicia, entre outros.

O orzamento descendeu, con respecto ao ano pasado, nun 7,9 por cento que corresponden cos 420.000 euros destinados no 2015 á adquisición de diverso material de rescate para os diferentes parques de bombeiros, así como para a compra dunha bomba nodriza para as instalacións de Monforte de Lemos. Con este investimento conseguiuse que todos os parques de bombeiros da provincia quedaron en igualdade de condicións.