Liberan a unha persoa atrapada no interior dun vehículo tras un accidente en Vilamarín

Efectivos de Protección Civil tiveron que liberar á primeira hora da mañá deste luns a unha persoa que quedara atrapada no seu vehículo tras sufrir un accidente na localidade ourensá de Vilamarín.

Segundo informou a Central de Atención a Emerxencias 112-Galicia, o suceso ocorreu sobre as 7.30 horas deste luns na N-525 ao seu paso por Vilamarín, na coñecida como recta de Tamallancos, onde o vehículo se saíu da vía.

Até o lugar do suceso desprazáronse efectivos de Protección Civil de O Caballiño cun equipo de excarceración, así como a Garda Civil de Tráfico. Unha vez liberado, o ferido foi trasladado polos servizos sanitarios a un centro hospitalario.