As traballadoras de Linorsa retoman as protestas en Vigo para reclamar o que lles debe a empresa

Protesta das traballadoras

As traballadoras de Linorsa, limpiadora en colexios de Vigo, Concello e organismos municipais, retomaron as súas protestas cunha concentración na lonxa da casa do concello olívico, para reclamar á empresa que lles pague o que lles debe (a metade da nómina de decembro) e para pedir a intervención do goberno local ante o incumprimento do prego de condicións da contrata.

A voceiro de CIG Servizos, Tránsito Fernández, explicou que a empresa concesionaria ten as contas bloqueadas dende finais do ano pasado por unha débeda de case 2 millóns de euros con Facenda. Así as cousas, solo puido pagar a metade das nóminas de decembro aos seus empregados (máis de 250 en Vigo, máis de 300 na provincia de Pontevedra, e uns 1.200 en toda España).

A representante dos traballadores reclamou a intervención do goberno local, xa que se están a incumprir as condicións do prego de adxudicación, e instou o Concello a resolver a situación do servizo xa que, o 31 de decembro pasado, se rematou a prórroga do contrato. “Non sabemos nada, se se vai volver prorrogar, se se convocará un novo concurso… nada”, remarcou.

Unhas cen traballadoras da concesionaria concentráronse na mañá deste martes na lonxa do Concello de Vigo, cunha pancarta co lema “Linorsa non paga. Solución”, e protestaron ao berro de “queremos cobrar os nosos salarios” e “onde está o diñeiro público”.