As rutas de Volotea en Vigo tiveron unha ocupación do 78% en 2015

A aerolínea de baixo custo Volotea rexistrou en 2015 un factor de ocupación do 78 por cento nas tres rutas operadas con orixe e destino Vigo, o que supón un incremento do 15 por cento respecto a 2014.

Ademais, segundo informou a compañía nun comunicado, o pasado ano tamén aumentou nun 16 por cento o seu número de pasaxeiros respecto ao 2014, alcanzando case os 16.000 viaxeiros -15.979 persoas-.

En total, nas conexións a Vigo a empresa operou o pasado ano un total de 164 voos, que rexistraron unha taxa de puntualidade do 77 por cento; e puxo á venda 20.500 asentos para as rutas que ofrece a Ibiza, Valencia e Palma de Mallorca.

En termos globais, Volotea, que en 2016 prevé operar máis de 38.000 voos en 196 rutas a 72 cidades, transportou en 2015 máis de 2,5 millóns de pasaxeiros, fretou máis de 27.000 voos e estima que facturou 210 millóns de euros.