A Ximnástica acode a Lugo para defender o seu título de Campión de Galicia de Probas Combinadas

Lugo celebra este fin de semana, o primeiro Campionato de Galicia por equipos da tempada. Será a quenda para as probas combinadas do curso invernal e os mozos e as mozas da Sociedade Ximnástica acoden á cita, ademais de para defender o título de Campión por equipos en homes e o segundo posto en mulleres, coa intención de conseguir algún deles, a marca mínima de clasificación para os Campionatos de España baixo teito.

Pablo Tojal, Antón Paz, Marco Martínez, Pedro Fernández, Francisco Quintáns, Alesandre Solla, Santi Ferrer; integrarán o equipo masculino e Andrea Villaverde, Clara Rivas, María Jiménez, Alexandra Campo, Marta Burés, Emma Lorenzo e Paula Martín; será o combinado feminino.

A Sociedade Ximnástica estará no Estadio Balaídos de Vigo

O vindeiro domingo pola mañá, celébrase en Vigo a 2ª xornada de inverno do circuíto de atletismo do Concello de Vigo.

Preto de 40 atletas da Sociedade Ximnástica estarán en Balaídos para conseguir a marca de cualificación para os Campionatos de Galicia, aínda que a previsión do tempo anuncia choivas para o fin de semana, esperemos que o tempo non sexa tan benigno como o pasado fin de semana e permita competir en mellores condicións.

Ás dez da mañá comezarán as primeiras probas, co triplo salto feminino entre elas, onde competirán 4 atletas pontevedresas e prolongarase a competición até as 13:30 horas, cando comecen os 60 metros lisos masculinos, con 11 ximnásticos en liza.