A presidenta da Deputación de Pontevedra considera intolerable a prórroga a Ence

A presidenta da Deputación de Pontevedra, Carmela Silva, cualificou de “incomprensible e intolerable” a decisión do Ministerio de Medio de prorrogar a concesión a ENCE na enseada de Lourizán, en Pontevedra, ata 2073. Ao respecto, a través dun comunicado difundido pola institución pontevedresa, Carmela Silva condenou a toma desta decisión por un “Goberno en funcións”.

Na mesma liña, criticou esta “inaceptable” resolución que “compromete o futuro da cidade” durante os “próximos 60 anos”. Explicou tamén que o goberno local, conformado por PSOE e BNG, “apoia as reivindicacións lideradas” polo alcalde de Pontevedra, Miguel Anxo Fernández Lores.

Neste sentido, a presidenta do ente provincial recordou que na Xunta de Goberno da Deputación se aprobou unha declaración na que se pedía “o cambio de situación de ENCE”. Polo tanto, subliñou que apoiarán a aqueles que “escoiten e respecten” a “decisión dos pontevedreses”.