A Música e as Belas Artes no Ciclo de Butaca da Banda de Música de Pontevedra

A música e as Belas Artes camiñan da man na nova edición do Ciclo de Butaca da Banda de Música de Pontevedra (BMP) que comeza o próximo xoves, 21 de xaneiro cun concerto adicado a danza e rematará o 26 de maio coa actuación conxunta da BMP e o Quinteto Rubato.

O Teatro Principal acollerá os nove concertos do ciclo. As citas son: 21 de xaneiro (Música e danza); 4 de febreiro (rapsodia Escultoro-pictórica); 18 de febreiro (concerto avaliación do alumnado dos 2º curso da AED8); 3 de marzo (Fotogramas musicados); 17 de marzo (Música para Banda Portuguesa do século xxI); 14 de abril (Sinfonía das fábulas, no marco do Salón do Libro) e os 28 de abril, 12 de maio e 26 de maio (Música).

A Banda de Música de Pontevedra, baixo a batuta de Rafael Agulló, marcouse o reto de encher o Teatro Principal en todos os concertos. A entrada aos concertos de 2 euros e o abono de sete concertos, 7 euros.