A Garda Civil requisa 13 quilos de percebe extraidos furtivamente en Arteixo

Axentes da Garda Civil adscritos ao Servizo de Protección da Natureza de Arteixo (A Coruña) interviñeron 13 quilos de percebe que se extraeu de forma furtiva na zona de Punta Langosteira, segundo informa a Benemérita.

Os axentes, que realizaban un servizo de vixilancia rutineira polo lugar, sorprenderon este martes a catro persoas mentres extraían das rochas, e posteriormente cargaban nun vehículo, o citado marisco.

Tras a identificación dos catro individuos, os gardas comprobaron que carecían dos correspondentes permisos para a extracción do recurso. Tres deles vestían traxes de neopreno e todos portaban útiles para a extracción.

Os membros da patrulla, ademais de intervir os percebes que foron entregados nun centro benéfico, incautáronse dunha mochila, traxes de neopreno, unha corda, varias ferramentas para a extracción, bolsas e redes.

Os catro homes foron denunciados ante a consellería pola extracción ilícita do marisco carecendo da preceptiva autorización, segundo precisa a Garda Civil.