Vilagarcía informa da apertura do prazo para inscribirse no programa de termalismo saudable do Imserso

O Ministerio de Sanidade. Servizos Sociais e Igualdade vén de abrir o prazo para inscribirse no programa de Termalismo Saudable do Imserso para o ano 2016. Os interesados poden obter máis información e mesmo formalizar a súa inscrición na concellería de Persoas Maiores, sita nos baixos da casa consistorial.

O programa, no que participan establecementos balnearios de toda España, funcionará en dúas quendas. Para os que queiran ir entre febreiro e agosto, o prazo está aberto ata o 11 de xaneiro. Para os que queiran facelo entre setembro e decembro, a inscrición deberán formaliza antes do 11 de maio de 2016.

Os tempos de estancia poden ser de 12 días (once noites) ou 10 (nove noites). Os tratamentos ofertados son: reumatolóxico, respiratorio, dixestivo, renal e vías urinarias, dermatolóxico e nervioso. Os prezos dependen do balneario elixido e oscilan entre os 230 e os 480 euros.

O programa inclúe aloxamento en habitación dobre de uso compartido e manutención en réxime de pension completa; os tratamentos termais básicos (recoñecemento médico ao ingreso, tratamento termal que prescriba o doutor, seguimento médico ); a realización de actividades de ocio e tempo libre e seguro colectivo de servizos turísticos. O desprazamento aos balnearios deben realizados os usuarios polos seus propios medios.