Uns 30.350 electores poderán exercer o seu dereito a voto o 20D en Vilagarcía

Como no resto de España, Vilagarcía celebra este domingo 20D as eleccións xerais nas que se decidirá o Goberno do Estado. Un total de 30.350 electores compoñen o censo desta importante cita electoral. O Concello advirte aos votantes do traslado de varias mesas electorais, cambios que afectan aos colexios da Escardia e de Carril. Para evitar molestias de última hora, aconséllase aos votantes usuais nestes centros de sufraxio que consulten as tarxetas censais que se remitiron aos seus domicilios para asegurarse do lugar exacto e do número de mesa nos que lle corresponden votar. Tamén haberá indicacións nos propios centros de voto.

O número de colexios mantense como nas anteriores citas coas urnas, sendo un total de 25, coa única salvidade do cambio de emprazamento do da oficina municipal de Carril, que se traslada integramente ao CEIP Rosalía de Castro, onde ademais créase un terceiro punto de sufraxio, pasando de 2 a 3 mesas.

O cambio que máis pode despistar aos electores é o que se produce no colexio da Escardia onde ademais de crearse unha nova mesa, trasládanse outras tres ao Auditorio Municipal. Esta modificación faise debido a limitación de espazo físico para acomodar tantos puntos de sufraxio e para facilitar a mobilidade dos electores dun dos colexios con maior censo do municipio.

Pero a variación máis notable é a que corresponde ao número de mesas electorais xa que créanse 7 novos puntos, a efectos de facilitar o voto aos cidadáns e o reconto posterior dos mesmos. O desdobre faise naquelas mesas que tiñan os censos máis numerosos. Estas novas mesas estarán no colexio A Escardia, Fexdega, Auditorio, Cetro Cultural de San Roque,Centro Socio Cultural e Deportivo de Vilaxoán, o colexio Rosalía de Castro de Carril e o colexio A Lomba.