Unha persoa ferida nun accidente en San Cibrao das Viñas
Unha persoa resultou ferida nun accidente de circulación ocorrido na localidade ourensá de San Cibrao das Viñas, ao saírse da vía o vehículo no que viaxaba. Concretamente, ocorreu sobre as 14,00 horas preto das piscinas do Polígono Tecnolóxico de San Cibrao, segundo recolle o último parte emitido pola Central de Atención ás Emerxencias 112. Foron alertados, para a súa intervención, efectivos dos bombeiros, o GES de Pereiro de Aguiar, axentes da Garda Civil e Urxencias Médicas.
ACCIDENTE CAMIÓN CON PENSO
Doutra banda, na intersección entre a AC-11 e a AC-12, na Coruña, chocaron un camión que transportaba penso cunha moto, ao redor das 14,40 horas deste luns. Como consecuencia do sinistro, quedaron vertidos pola vía líquidos e outros restos, que se encargaron de limpar membros do equipo de mantemento das vías do Ministerio de Fomento.