Silvio Rodríguez presentará na Coruña o seu novo disco ‘Amoríos’ o 8 de abril

Silvio Rodríguez. Foto: Altafonte

O artista cubano Silvio Rodríguez regresa seis anos despois do seu anterior traballo con novo disco, ‘Amoríos’, conformado por catorce cancións escritas orixinalmente entre 1967 e 1980. Composicións de amor que nunca se editaran con anterioridade a excepción de ‘Oleo de Mujer con Sombrero’ e que se presentará nunha xira por España que o levará o 8 de abril á Coruña (Coliseum).

Neste disco, Silvio arroupouse por un cuarteto de Jazz: Jorge Aragón Brito (piano) Jorge Reyes (baixo) Oliver Valdés (batería) e Emilio Vega (vibráfono). Ademais, conta coa participación de Niurka González (frauta e clarinete) Maykel Elizarde (tres) Anabell López (coros) Tanmy López Moreno (Violín e voz) e a Orquestra Sinfónica do ISA dirixida polo Mestre José Antonio Méndez Padrón.

“Con Amoríos propúxenme xuntar cancións dese outro tipo de amor que tamén nos resulta imprescindible. Nese sentido Amoríos é un vello proxecto”, explica Silvio Rodríguez sobre o seu novo álbum.

Silvio Rodríguez compuxo música e letra de centos de cancións. Posúe unha ampla discografía, o seu último disco foi “Segunda Cita” en 2009. Ha musicalizado filmes, teleseries e pezas de teatro. Recibiu numerosos premios e condecoracións.

As súas cancións foron traducidas ao francés, italiano, alemán, inglés, portugués, guaraní, ruso, chinés, xaponés, coreano, sueco e catalán. Publicou ademais de dous libros: “Canciones del mar” (Ojalá ediciones, 1996) e “Cancionero” (Ogallá edicións, 2008).

XIRA ESPAÑOLA EN 2016

Creador da nova Troba cubana, Silvio Rodríguez (A Habana, 1946) regresará a España cunha xira de nove datas que comezará o 3 de abril e pasará polas cidades de San Sebastián, A Coruña, Gijón, Zaragoza, Barcelona, Córdoba, Madrid, Murcia e Valencia.

Tras nove anos dende a súa última visita, o público poderá gozar do seu novo traballo discográfico, ‘Amoríos’, que virá acompañado dalgúns dos grandes clásicos da súa extensa discografía.

A xira arrancará en San Sebastián (3 de abril en Velódromo de Anoeta) e proseguirá pola Coruña (8 de abril, Coliseum), Xixón (10 de abril, Pavillón de Deportes), Zaragoza (15 de abril, Pavillón Príncipe Felipe) e Barcelona (17 de abril, Palau Sant Jordi).

Despois será quenda para Córdoba (24 de abril, Praza de Touros), Madrid (27 de abril, BarclayCard Center), Valencia (29 de abril, Pavillón Fonte San Luis) e Murcia (1 de maio, Cuartel de Artillaría).

Durante todos os concertos desta xira estará acompañado polo Trío Tovarroco, (Rachid López, Cesar Bacaró e Mikel Elizarde), a frautista e clarinetista Niurka González e Oliver Valdés na batería e a percusión, así como Jorge Reyes no contrabaixo, Jorge Aragón no piano e Emilio Vega no vibráfono.