Enviar a un amigo
Opinar
ImprimirProgramación de Nadal en Carnota
Dende o Concello de Carnota queremos informarvos acerca das actividades que organizaremos este Nadal. Incluímos tamén actividades organizadas por asociacións culturais locais.
Elaboramos unha programación intensa, pensando en todos os/as cativos/as (e non tan cativos/as) do municipio.
Temos por diante dúas semanas de vacacións para os pequenos da casa, por iso queremos ofrecer a posibilidade de que estean entretidos algunha mañá e de que gocen con actividades lúdicas, obradoiros, concertos e festas. Por isto, e porque os nenos son os reis do Nadal, desenvolveremos as seguintes actividades:
|
A partir do 1 de decembro: |
Dará comezo a Escola Municipal de Teatro. |
|
12 de decembro: |
V Simposium Monte Pindo. Terá lugar na Confraría do Pindo ás 11:00 h (Asociación Monte Pindo Parque Natural) |
|
15 de decembro:
|
Entrega de premios do IX Concurso de postais de Nadal cos mellores desexos, ás 11:00 h no Salón de Actos do Concello. |
|
16 de decembro: |
Concerto da Escola Municipal de Música no Salón de Actos do Concello, ás 19:00 h. |
|
18 de decembro: |
Coma todos os venres, Venres Lúdicos, de 16:30 a 18:30 h, na Biblioteca Municipal (lembramos que é unha actividade pechada para os/as nenos/as xa inscritos/as). |
|
19 de decembro: |
Mercado de troco para adultos na praza de San Gregorio, de 11:00 h a 14:30 h, baixo carpa. Cada participante pode traer o seu obxecto antes das 10:30 h (ou días anteriores no Concello) e entregaráselle unha tarxeta para poder trocalo por outro que lle sexa máis útil. Haberá unha actuación musical por parte da Escola Municipal de Música e un caldiño quente para todos. Farase tamén unha demostración de talentos, onde cada quen poderá amosar o seu mellor “aquel” con contos, chistes, cancións, etc. Os tres finalistas levarán o diploma para o “máis aquelado” e un libro de Manuel María (homenaxeado nas Letras Galegas 2016). Lume en Carnota, macroconcerto en Lira pola noite. I Festival de inverno cos grupos Critical Bride (Vigo), Blue Metn State (Santiago), Coso Carnóbrigo (Carnota), The Suffering (Cee) e Urd (Carnota). (Asociación Gremio de Músicos de Carnota) |
|
22 de decembro: |
Mercado de troco para nenos e nenas na praza de San Gregorio, de 16:00 a 19:00 h, baixo carpa. Cada participante pode traer o seu obxecto (roupa, xoguetes ou libros) antes das 15:30 h(ou días anteriores no Concello) e entregaráselle unha tarxeta para poder trocalo por outro que lle sexa máis útil. Haberá rosco e chocolatada para todos. Faremos tamén unha demostración de talentos (cantigas, contos, chistes, panxoliñas, etc.) e nomearemos aos tres nenos/as con máis “aquel”, que levarán tamén un libro de Manuel María (homenaxeado nas Letras Galegas 2016). E nas vésperas da Noiteboa, non podía faltar a aparición do APALPADOR. |
|
23 de decembro: |
O mago Paco con “Ledicias de Nadal”. Ás 11:30 h no Salón de Actos.
|
|
28 de decembro: |
Espectáculo de Viravolta Títeres: “A frauta máxica”. Baseado na ópera de W.A. Mozart, ás 11:30 no Salón de Actos do Concello.
|
|
29 de decembro: |
Xornada de xogos de mesa na Biblioteca Municipal, de 11:30 h a 13:00 h. Rapaces e rapazas volverán gozar cos xogos de toda a vida (parchís, oca, bingo,etc.) |
|
30 de decembro:
|
Obradoiro de fabricación de xoguetes con material de refugallo, da man de Adega, ás 11:00 h(de 3 a 6 anos) e ás 12:30 h(de 7 anos en adiante) no Salón de Actos do Concello. |
|
05 de xaneiro:
|
Títeres Cachirulo: “Elefantes que contan contos na véspera dos Reis Magos”. Contacontos temático, no Salón de Actos, ás 11:30 h, con entrega de caramelos para os máis pequenos! Cabalgata dos Reis Magos e Belén vivente na Igrexa do Pindo. Pola tarde, na parroquia do Pindo, as súas maxestades repartirán doces para todos os nenos e as nenas que se acheguen a pedirlles os seus agasallos (Asociación Pedramar) |
