Pillan borracho ao timón dunha bicicleta a un home en Vigo

Axentes da Policía Local de Vigo instruíron dilixencias como autor dun suposto delito contra a seguridade vial a un home de 48 anos, que conducía unha bicicleta e cuadriplicaba o límite máximo de alcohol permitido.

Segundo informou a Policía Local, os feitos aconteceron ás 22,15 horas deste martes cando se produciu unha colisión por arremetida entre un turismo, conducido por unha muller de 58 anos, e unha bicicleta, conducida por un varón de 48.

Ao decatarse do estado de embriaguez do home, que responde ás iniciais C.O.M. e ten nacionalidade romanesa, os axentes realizáronlle unha proba de alcoholemia, polo que botou un resultado penal de de 1,21 e 1,14 mg/l.