O musical da ‘Carapuchiña vermella’ chega ao auditorio municipal de Vilagarcía este sábado

Despois do éxito que tivo hai uns meses co espectáculo de Os Tres Porqueiños, EducaTeatro Producións regresa esta fin de semana a Vilagarcía co musical ‘Carapuchiña Vermella’. Trátase dnha adaptación do clásico dos Irmáns Grimm que moderniza a historia e os personaxes do conto e introdúcelle unha banda sonora orixinal composta por sete cancións.

A proposta mestura teatro de actor con manipulación de corpóreos e voz en directo. A parte musical pretende transmitir aos máis pequenos valores como a ecoloxía e a igualdade, ao mesmo tempo que ensina a reciclar ou as profesións. Nesta adaptación modernizada do conto clásico, EducaTeatro introduce novosm personaxes, como un escritor que fai de narrador e tamén un lobiño pequeño que tratará de quitarlle o medo que os máis cativos lle soen ter ao gran lobo da historia.

Con motivo da presentación do musical, polo Parque Miguel Hernández e o Auditorio paseáronse esta mañá Carrapuchiña Vermella, o leñador e o lobo.

O elenco está composto por 4 actores (boa parte deles formados na Escola de Arte Dramática de Vigo) que interpretarán os distintos personaxes da obra. A duración da peza é de 50 minutos, e ao final da función, os cativos poderán sacar fotografías con Carapuchiña, a avoa, o leñador e, os máis valentes, tamén co lobo.

O musical, que se estreou en Redondela e que xa percorreu outras localidades provincia como Ponteareas, Baiona e Vigo, poderase ver no Auditorio Municipal este sábado, 5 de decembro, ás 17.00 horas.. As localidades siguen á venda en ataquilla.com, a un prezo único de 6€ máis gastos de xestión, e poderanse mercar tamén o mesmo día na billeteira do Auditorio. A venta marcha a mo bo ritmo polo que a produtora recomenda a compra anticipada para asegurarse a entrada.

EducaTeatro

Educateatro producións é unha produtora viguesa de teatro infantil que comezou a súa andadura hai dous anos co espectáculo ‘Os tres porquiños. Unha obra musical con bonecos a tamaño real’, que ata o momento escenificou máis de 50 funcións por toda Galicia colleitando grandes éxitos. Agora volve aos teatros galegos cunha nova proposta, ‘Carapuchiña Vermella. O Musical’ coa que continúa a revisar os clásicos infantís da literatura universal dándolle unha volta e introducíndolle tamén unha banda sonora coa que os cativos, ademais de divertirse, poidan aprender valores.