O Festival Mareléctrika posponse ao próximo mes de maio

Nace en Santiago de Compostela, Mareléctrika, un evento de gran magnitude que reunirá a grandes referentes da música electrónica na cidade compostelá. O evento será un Festival de Primavera nunha data e localización que determinarán proximamente desde a Organización e as Institucións colaboradoras.

O motivo do aprazamento é  a prolongada xestión de tempos dos diversos espazos e que engadido á  dimensión e expectativas que está a xerar o evento, impediu que as empresas  aseguradoras consultadas  contasen  con tempo  para ofrecer as coberturas  e as  garantías de calidade e seguridade dos participantes e ao público asistente. 

Esta iniciativa, presentada por emprendedores e promotores composteláns en coprodución con empresas de gran implantación no sector, conta coa colaboración do Concello de Santiago e importantes patrocinadores que fan posible que este festival reúna a grandes referentes da música electrónica e teña lugar, por primeira vez, en Santiago de Compostela.