O Chuac aconsella o consumo de alimentos lixeiros para evitar os excesos das comidas de Nadal

O Complexo Hospitalario Universitario da Coruña (Chuac) aconsellou o consumo de “alimentos lixeiros” para combater “os excesos” das comidas e ceas de Nadal, segundo sinala nun comunicado. Ademais, lembra comer “con lentitude” para evitar problemas como “trastornos alimenticios, subidas de tensión ou empachos”. En concreto, remarca que, nestas datas, adóitanse realizar “comidas copiosas que achegan multitude de calorías e graxas que non precisamos”. “Por iso, débense seleccionar menús que sexan saborosos e sans á vez”, recalca.

Así, indica que é conveniente “non abusar do pan e de comidas con sabores e aromas fortes”. Para conseguilo, expón evitar “as comidas cargadas de pratos interminables que nos farán comer en exceso”, insiste.

Na mesma liña, recomenda comer peixe e verduras pola noite, “controlar” o consumo do alcol, aínda que, preferentemente, optar por bebidas sen alcol ou zumes.

Tamén expón “beber abundante auga e líquidos evitando as bebidas azucaradas”. Ademais, aconsella substituír os pasteis e turróns por froitas e macedonias, acompañadas de iogur ou zume, “que nos axudarán a evitar calorías innecesarias”, apunta.