O Campus de Ferrol acolle unha campaña para previr a violencia de xénero entre o alumnado universitario

López Abella na presentación da campaña en Ferrol

A secretaria xeral da Igualdade, Susana López Abella, presentou hoxe no Campus de Ferrol a iniciativa “Todos os días loitando contra a violencia de xénero”, unha campaña de sensibilización e información coa que se pretende loitar contra a violencia de xénero entre o alumnado universitario galego.

No acto de presentación, ademais de Susana López Abella, tamén participaron a directora da Oficina de Igualdade de Xénero da UDC, Ana Jesus López Díaz, a vicerreitora do Campus de Ferrol e Responsabilidade Social, Araceli Torres Miño, e a Profesora da Facultade de Ciencias do Traballo, Asunción López.