Ana Pastor eloxia a serenidade de Rajoy fronte á agresión en Pontevedra

A ministra de Fomento e candidata popular ao Congreso por Pontevedra, Ana Pastor, eloxiou este xoves a “tranquilidade” e “serenidade” do presidente do Goberno, Mariano Rajoy, tras sufrir unha agresión en Pontevedra e instou a centrarse na campaña e “no que importa” os cidadáns.

En declaracións aos medios antes de participar nun almorzo en Vigo, Pastor asegurou que Rajoy “demostrou” este mércores “que é unha persoa serena” e que “infunde tranquilidade” aínda que “lle estean a partir a cara” e considerou que é alguén de quen tomar “exemplo”.

Tras “condenar calquera tipo de agresión e violencia”, Pastor, que foi testemuña directa do suceso, rexeitou entrar en máis detalles. De feito, recordou que os partidos están “en campaña electoral” e que “queda pouco tempo” para as eleccións, polo que instou a centrarse “no que realmente importa” e “seguir falando cos cidadáns” dos seus problemas.