A igrexa de Ordes exhibe o seu gran Belén
A igrexa parroquial de Santa María de Ordes exhibe xa o seu gran Belén. Unha creación confeccionada con preto de 500 figuras, moitas deles con movemento. Nunha estrutura que se achega aos 50 metros cadrados pódese contemplar esta recreación do nacemento do neno Deus, que inclúe sistemas eléctricos e hidráulicos. Trátase do Belén máis importante da zona, que cada ano é visitado non só polos veciños e veciñas, senón incluso por persoas chegadas doutros puntos da comarca.