Paro indefinido dos árbitros de Lugo

Reunidos en Lugo os árbitros pertencentes ao CTGAF da Delegación de Lugo; informamos que ante a falta de medidas tomadas polo presidente da FGF Don Rafael Louzán Abal en relación cos feitos ocorridos co presidente do CTGAF Don Fernando Iglesias Figueroa, os árbitros da Delegación de Lugo, desde o día de hoxe tomaremos as seguintes medidas:

1- Iniciamos un paro indefinido e inmediato en todas as categorías dependentes da FGF, ata que Don Fernando Iglesias Figueroa sexa cesado do seu cargo.

2- Que calquera medida de presión que tome o CTGAF contra algún de nós será posta en coñecemento do noso avogado e será revelada nos medios de comunicación.

3- Solicitamos a todos os clubs que se poidan ver afectados por este paro indefinido, a súa compresión e apoio ante a situación que está a sufrir o colectivo arbitral.

4- Mostramos o noso total apoio á xunta directiva da Delegación de Lugo que presentou a súa dimisión o pasado día 6.