Os rexedores socialistas lucenses, agás catro, subscriben un documento de apoio ao presidente da Deputación

Un total de 24 alcaldes socialistas na provincia de Lugo dos 28 cos que conta ese partido subscribiu un comunicado onde poñen de manifesto o seu “apoio incondicional ao presidente da deputación e ao grupo provincial socialista”.

Entre os catro alcaldes que non rubricaron a súa sinatura atopan os de Becerreá, Manuel Martínez, o de Castroverde, José María Arias, o de Navia, José Fernández, e a alcaldesa do Incio, Laura Celeiro.

Foi o propio presidente, Darío Campos, o que compareceu tras a xunta de goberno provincial para atallar o goteo de “declaracións de distintos alcaldes” que saíron en defensa de Martínez. “Un grupo de alcaldes díxonos que sería bo facer un manifesto onde recollésemos as sinaturas dos rexedores que apoian ao presidente como ao grupo provincial”, explicou.

Campos concretaron que non asinaron “Manuel Martínez, Castroverde, Navia e Laura de O Incio, que di que non quere entrar en guerras e o resto dos alcaldes socialistas, 24 na provincia, expresan o seu apoio incondicional tanto ao presidente coma ao grupo provincial”. “É un pouco para concluír con todas estas manifestacións que veñen acontecendo nos últimos días”, insistiu.

EXPULSIÓN DE MARTÍNEZ

“É unha situación que non nos gusta a ninguén, a expulsión de Martínez non me gusta, nin lle gusta a ningún dos compañeiros que están comigo, pero os graves feitos que aconteceron dende o 24 de xuño, parecéronnos o suficientemente graves”, escusou o presidente da Deputación de Lugo en relación ás propostas de expulsión formuladas tanto polo grupo provincial socialista coma polo PSOE a nivel nacional.

Campos, arroupado polos outros nove deputados provinciais, negou que o partido estea dividido na provincia. “O PSOE segue unido en Lugo”, remarcou. Ao respecto, quixo deixar claro que o comunicado é de apoio ao presidente e ao grupo provincial e repetiu que “ninguén está de acordo coa expulsión de Martínez”.

“Eu quero que isto sexa gobernable quero que Martínez rectifique o que fixo e nada máis”, resolveu, tras agregar que “hai que ser conscientes de que Manuel Martínez actuou mal”.

En canto á situación do alcalde de Becerreá ante o próximo pleno, dixo que están á espera dun informe da secretaría, aínda que interpreta que podería pasar ao “grupo de non adscritos”.

Abundou en que o “PSOE non está dividido, cada un ten a súa opinión ao respecto”. “Todos son conscientes que a actuación de Martínez incumpre todos os códigos do partido, iso si que esta claro”, proclamou.

DOCUMENTO

No documento advírtese que os lucenses deron ao PSOE “un apoio sen precedentes o 24 de maio”, facendo que lograse “os mellores resultados da súa historia na provincia”.

“A nosa responsabilidade e prioridade é centrar os nosos esforzos para seguir traballando conxuntamente dende todas as administracións e dar resposta ás necesidades dos nosos veciños, e contribuír á continuidade do proxecto socialista na provincia, en Galicia e no conxunto do Estado”, conclúe o comunicado secundado polas sinaturas de 24 alcaldes.