Os alumnos da Escola de Música ofrecen un concerto aberto ao público con motivo de Santa Icía

A Escola Municipal de Música bernardo del Río festexa o venres o día de Santa Icía, patroa dos músicos. Para celebrar este día, o centro organiza un concerto que terá como protagonistas aos seus alumnos e que está aberto a todo o público que desexe asistir. Será o venres, 20 de novembro, a partir das 19:30 horas na Sala de Concertos da Escola, no edificio do Ramal. A entrada é libre e de balde.

Nesta homenaxe a Santa Icía, os educandos do centro Bernardo del Río, agasallarán ao público asistente coas súas interpretacións, como solistas ou en grupo, das pezas musicais nas que levan traballado no primeiro trimestre do curso.