Os abonados celestes accederán a Riazor pola porta 20 desde as 21.00 horas

Tras recibir notificación do RC Deportivo, o Real Club Celta informa aos abonados que adquiriron entradas en Balaídos para o partido do sábado ante o Deportivo, que deberán acceder ao estadio de Riazor pola porta 20 a partir das 21.00 horas.

Rógalles ademais, que, segundo recomendacións e normativas do Ministerio do Interior, RFEF e LFP, entre outras institucións, acudan con tempo suficiente, xa que haberá un exhaustivo control de acceso e solicitarase o DNI para poder acceder ao campo.

Ademais, lémbralles que non se admitirán entradas deterioradas ou nas que se modificou o nome e DNI, xa que o acceso é exclusivo para o abonado vinculado á entrada, nin tampouco símbolos ou emblemas prohibidos na regulamentación correspondente.