O Santiago Futsal recibirá este venres a Palma Futsal

Tras sumar a primeira vitoria en casa da tempada ante UMA Antequera (4-1) e viaxar a Tudela na 8ª xornada de Liga, os celestes regresan á pista do Multiusos Fontes do Sar, feudo ao que queren apelar para sumar a segunda vitoria consecutiva ante a súa afección.

Este venres reciben a Palma Futsal, equipo que conseguiu colocarse na 3ª posición da táboa tras disputar as oito primeiras xornadas de Liga. Aínda que se prevé que sexa un encontro de gran malgaste físico e dun esixente nivel competitivo para os celestes, os locais son conscientes das súas posibilidades de gañar, tras plantar cara aos outros ‘cocos’ da liga nas primeiras xornadas: Inter Movistar, El Pozo Murcia e FC Barcelona.

Coa confianza de poder brindar á súa afección outra vitoria, e sobrepoñéndose ás adversidades que se presenten, o equipo sabe que contará co apoio do seu público no Multiusos Fontes do Sar para volver vibrar co mellor fútbol sala.

Para o encontro  deste venres os abonados acceden de maneira gratuíta, mentres que o prezo das entradas para non abonados manteñense: 10€ adulto, 5€ xuvenil e 2€ infantil.

As entradas poderán adquirirse a partir de mañá no tendas oficial do Santiago Futsal: Deportes Caneda (Fontes de San Antonio, 25) e o día de partido nas taquillas do Multiusos Fontes do Sar a partir das 20h.