O PSOE de Ourense levará iniciativas a todas as cámaras para pedir a dimisión de Baltar

O PSdeG-PSOE de Ourense anunciou este xoves que trasladará a todas as cámaras onde haxa representación socialista iniciativas pedindo a dimisión de José Manuel Baltar Blanco como presidente da Deputación de Ourense. Ademais, no caso do Concello de Esgos, por onde é concelleiro, solicitarase que renuncie á súa acta.

Á marxe das actuacións políticas, as mulleres socialistas que celebraron este xoves unha reunión para abordar esta cuestión sinalaron que “chegou o momento de que os ourensanos se mobilicen contra Baltar”. “¡Precisamos a mobilización!”, exhortou a que foi ata agora deputada na Cámara Baixa Laura Seara.

Ademais de Seara, tamén participaron na reunión deste xoves a voceiro de Igualdade o Parlamento de Galicia, Carmen Acuña, a secretaria de Organización do partido en Ourense e deputada autonómica María Quintas, e a deputada provincial Elvira Lama, ampliaranse ao ámbito das institucións europeas, a través de Elena Valenciano, así como á Deputación Permanente do Congreso, a través do deputado socialista Antonio Hernando.

PLENO

Na reunión deste xoves tamén se abordou o acontecido o mércores na sesión de control ao Goberno, ao respecto do que as dirixentes socialistas volveron cuestionar a actitude do presidente do Executivo galego, Alberto Núñez Feijóo.

María Quintas volveuse preguntar, como xa dixera este mércores nunha intervención, “qué paso para que en 48 horas Feijóo cambiase o primeiro que dixo e pasase a defender aos Baltar. “¿Quizais foi a libreta de Baltar pai que viaxou a Santiago?”, manifestou.

Tanto Quintas como Acuña insistiron en que Feijóo non pode defender a Manuel Baltar e le recordardon que “non dixo que non é a súa voz a que se escoita nas gravacións”. Así mesmo, advertiron de que “cada día e en cada acto le recordán que Baltar é un indecente”.

“NON NEGOU OS FEITOS”

A deputada provincial Elvira Lama, engadiu que, “se é un tema persoal, como dixo Baltar, hai tema”. E incidiu en que, “Baltar tampouco negou o feitos dos que se lle acusa, só di que é un tema persoal”, e engadiu que, “cando se está a ofrecer traballo a cambio de sexo, se está a traspasar o persoal”.

Seara Sobrado dixo que este asunto ten un percorrido xudicial, no que “non se “pode interferir” e outro político, que chegou ao punto de que agora actúe a sociedade. “Estase a seguir unha orde correcta, primeiro actuando nas institucións e agora chegou o momento do activismo”, afirmou Seara, quen ha asegurado que “haberá mobilizacións en Ourense igual que as houbo no seu día en Toques (cun alcalde do PP condenado en 2004 por abusos sexuais a unha menor, na época de Fraga)”.

A parlamentaria socialista tamén comparou o caso de Manuel Baltar en Ourense co do que era alcalde de Ponferrada Ismael Álvarez. Ao respecto, recordou que nun primeiro momento “tivo da súa parte” o apoio de Ana Botella, pero “finalmente acabou caendo”, e ha engadiu que “este caso é o máis vomitivo e antidemocrático vivido na política galega”.

Elvira Lama afirmou que “hai alarma social, polo menos en Ourense”, mentres María Quintos augurou que “é radicalmente imposible que o Comité de Ética non condene” a Baltar.