O GAC Costa da Morte está definindo as liñas de actuación da estratexia de desenvolvemento local participativo

O Gac Costa da Morte reuniuse cos axentes do territorio para elaborar a Estratexia de Desenvolvemento Local Participativo (EDLP) para o programa de axudas do Fondo Europeo Marítimo e de Pesca 2014-2020.

Realizáronse tres mesas sectoriais, nas que asistiron representantes dos concellos,  de  entidades do sector social e económico e  do sector do mar territorio do Gac.

Nesta xornada perfiláronse os obxectivos estratéxicos e liñas de actuación do Grupo para os próximos 5 anos con máis de 30 medidas para financiar no novo período de axudas.Os obxectivos estratéxicos xiran en torno ao Fomento da diversificación produtiva da pesca artesanal, mantemento da actividade vinculada co mar e extracción de insumos das actividades marítimas para outras actividades produtivas. Competitividade sostible das actividades relacionadas co mar e capacitación e ampliación das capacidades dos sectores económico e social relacionados co Grupo de Acción Local Costa da Morte.