O delegado do Goberno desexa que se aclaren os feitos investigados no operativo con dous policías detidos en Ourense

O delegado do Goberno en Galicia, Santiago Villanueva, manifestou este xoves que desexa que “se aclaren” canto antes os feitos investigados no marco da operación antidroga desenvolvida en Ourense con 11 detidos, entre eles dous axentes da Policía Nacional.

En declaracións aos medios con motivo da súa presenza nun acto en Pedrafita (Lugo), Villanueva explicou que a operación, que “leva un tempo” desenvolvéndose, “está aínda aberta” e os investigadores “continúan solicitando probas”.

“A presunta participación de dous policías neste caso implica que o sistema de control que ten a Policía Nacional funciona”, resaltou, para expresar o seu desexo de que “se aclaren estes feitos” e “que sexa culpable, evidentemente, ten que pagalo”.

Neste sentido, insistiu en que este operativo reflicte que “os mecanismos de control e coordinación internos do Corpo Nacional de Policía funcionan”, ao tempo que resaltou a “colaboración continua con fiscal e xulgado”.

Con todo, Villanueva confía en que “se desenvolva o máis rápido posible” a investigación e “en caso de que haxa culpables, teñen que pagar” por mecanismos internos da Policía, como coas “consecuencias xudiciais”, concluíu.