Noites Abertas recibe 166 propostas de actividades para a vindeira edición

A Concellaría de Xuventude pechou nestes días o prazo para a presentación de actividades para a vindeira edición de Noites Abertas 2016. Recibíronse 166 propostas de diversa índole que aínda están por supervisar e comprobar que se axustan aos criterios e fins de Noites Abertas.

Os promotores destas actividades foron os seguintes:

• 53 actividades colectivas

• 52 individuais

• 28 de empresas

• 33 de asociacións

Cabe lembrar que as actividades que se presentan poden ser deportivas, culturais, obradoiros de diverso tipo, rutas, xogos… O pasado ano presentáronse 230 propostas das cales se escolleron 116 xa que foron as que se axustaban máis ao espíritu de Noites Abertas, e seguindo o criterio de que fosen propostas por mozos ou entidades de Pontevedra.