Concerto de clausura do primeiro encontro da banda do Grao Profesional do CMUS Profesional de Lalín

A sala “Tuno Valdés” do Auditorio Municipal de Lalín será testemuña este xoves ás 20:30 horas, do concerto de clausura do primeiro encontro da banda do Grao Profesional do CMUS Profesional de Lalín.

Este concerto está enmarcado dentro da materia orquestra/banda, propia do grao profesional de música, e serve como peche a unha semana de intenso traballo na que rapazas e rapaces alumnos todos eles do Conservatorio de Música Profesional de Lalín estiveron baixo a batuta da mestra Isabel Mª Rubio Molina.

O programa escollido nesta ocasión está fortemente vencellado ao recentemente festexado Halloween, escollido para que sexa do desfrute dos propios alumnos e do público en xeral

-Danse Diabolique…………Josef Hellmesberger (arr: T.Takahashi)

-A Little suite of Horror……………………………….Thomas Doss

-The Witch and the Saint………..… ……………….Steven Reineke

-Harry Potter Symphonic suite………. John Williams (arr: R.W.Smith) 

Proximamente, dentro da materia orquestra/banda, tamén desfrutaremos coa Orquestra de Corda do Grao Profesional dirixida pola mestra Inara Vecbastika Zemaite.