Comunicado sobre os servizos mínimos establecidos polo Concello de Lugo ante a folga dos traballadores do servizo de guindastre

Tras o escrito recibido da Xefatura Territorial da Consellería de Traballo no que se comunica a folga dos traballadores da empresa Cechalva SL, concesionaria do servizo municipal de retirada e traslado de vehículos da vía pública e o seu depósito, para os días 10, 17, 20 e 24 de novembro, de 11:00 a 12:00 horas, e o día 26 de novembro durante 24 horas (de 00:00 a 24:00horas), o Concello de Lugo estableceu os seguintes servizos mínimos:

Os días 10, 17, 20 e 24 de novembro, dende as 11:00 ás 12:00 horas, e o día 26 de novembro, dende as 00:00 ás 24:00 horas, polo menos unha das grúas permanecerá co correspondente conductor en disposición de prestar servizo xunto ás dependencias da Policía Local a disposición do xefe de quenda correspondente para dar solución a calquera continxencia grave que puidera xurdir, é dicir, garantir a circulación polas vías municipais dos vehículos de urxencia, Policía, Bombeiros, ambulancia, etc. Así mesmo, no depósito de vehículos deberá permanecer un operario para recibir, custodiar e proceder á entrega dos vehículos retirados.