Aberto o prazo de inscrición no Mercado de Segunda Man que se celebrará en Sedes

As persoas interesadas en instalar un posto de venta na sétima edición do Mercado de Segunda Man que se celebrará o 13 de decembro no recinto feiral do Trece, en Sedes, poden xa inscribirse, de balde, no Rexistro do Concello. A iniciativa, tal e como recordou a edil de Feiras e Mercados, Mar Gómez, diríxese a particulares e estará limitada a un total de 120 postos. O prazo para anotarse rematará o 5 de decembro.

Os participantes deben ser maiores de idade e non poderán vender animais, produtos alimenticios, bebidas nin artesanía, según se recolle nas bases da convocatoria. Desde o Concello facilitaráselles unha mesa e unha cadeira a cada responsable dos postos para o espazo que lles sexa asignado dentro do recinto feiral. Así mesmo, os titulares dos mesmos terán que comprometerse a entregar como mínimo un quilo de alimentos ou produtos de limpeza que se entregarán ao Centro de Recursos Solidarios de Narón.