A ‘Note de cine’ achega aos nenos e nenas de Ordes a película ‘Frozen’

O Departamento de Cultura do Concello de Ordes convida a todos os nenos e nenas do municipio, así como aos seus acompañantes, a desfrutar da película de debuxos animados ‘Frozen’, un dos éxitos máis sonados dos últimos anos da factoría Disney. A cita englóbase dentro do programa ‘Noite de cine’, e terá lugar no auditorio da casa da cultura o vindeiro sábado, 14 de novembro, ás 19.30 horas.