A man dereita de Alonso Pais en Eiriña e o extécnico de Cespa acóllense ao seu dereito a non declarar

O que era man dereita de Enrique Alonso Pais na construtora Eiriña, Jaime A.V., acolleuse este xoves ao seu dereito a non declarar ante a xuíza de instrución número 7 de Vigo, ante a que estaba citada como imputado. Do mesmo modo, outro dos imputados, o extécnico de Cespa Juan Ramón A.G., tampouco o fixo.

Ambos os dous estaban citados para declarar este xoves no marco da Operación Patos, que investiga a presunta comisión dos delitos de prevaricación e tráfico de influencias na adxudicación de contratos e obras públicas.

O dono de Eiriña, Alonso Pais, que pasou polo xulgado o pasado 30 de outubro, tampouco declarou e, segundo fontes xurídicas, moitos dos avogados defensores presentaron alegacións para reclamar a suspensión das citacións e pedir máis tempo para estudar o extenso sumario. Así mesmo, pediron que se lles faciliten o audio das gravacións e as transcricións completas das devanditas conversacións.

Na peza principal da Operación Patos hai 33 imputados, ata agora ningún dos que pasou polo xulgado de instrución número 7 de Vigo quixo declarar. Entre os imputados están o alcalde de Vigo, Abel Caballero, e tres dos seus concelleiros; o expresidente da deputación de Pontevedra, Rafael Louzán; a exdelegada da Xunta en Vigo, María José Bravo Bosch; asesores de políticos; funcionarios; e empresarios.