Xián Silva e Borja Ríos participarán no Open de Serbia

Esta fin de semana (10 e 11 de outubro) celebrarase en Belgrado o Open de Serbia, coa presenza dos galegos Xián Silva (Mace Sport, -74) e Borja Ríos (Hebe, -63). O Open de Serbia, que terá lugar os días 10 e 11 de outubro, é un torneo G-1, que conta con máis de 1.400 deportistas inscritos das categorías cadete, júnior e sénior. Xián Silva (Mace Sport), que se proclamou campión de España sub 21 este ano, está traballando co obxectivo do Europeo desta categoría. Así enfronta a competición desta fin de semana como un bo test cara a esa competición. Pola súa banda, Borja Ríos (Hebe), actualmente no Centro de Alto Rendemento de Barcelona, buscará un bo resultado nesta competición.