Unha profesora de Asunta: “Aparentemente non se vía nada de alerxia”

Unha segunda profesora que comparece como testemuña no xuízo para esclarecer o crime de Asunta Basterra Porto afirmou que “aparentemente non se vía nada de alerxia”, preguntada sobre se tiña síntomas como moqueo e esbirros o día en que o pai, Alfonso, nas súas propias palabras, a levou como “drogada” á escola de altos estudios musicais de Santiago.

Esta muller, ás preguntas das partes, respondeu que entendeu que esa expresión de que a menor estaba “drogada” a utilizou o seu pai, Alfonso Basterra, de xeito “coloquial”, e o atribuíu ao consumo dun “antihistamínicos fortes”.

Como unha profesora previamente, esta testemuña sinalou que a anomalía principal que detectaron no comportamento da nena daquel día, 9 de xullo de 2013, era que non coordinaba. “Por suposto que saltaron todas as alarmas”, exclamou, sobre o momento en que os profesores tiveron coñecemento de que Asunta fora achada sen vida.