Reunión social sobre campaña informativa sobre o futuro da enseada de Lourizán

O centro social do Gorgullón será esta tarde escenario da reunión de todos os axentes sociais que teñen un posicionamento claro en favor da recuperación da enseada de Lourizán, como tarde, no ano 2018. O alcalde asistirá a este encontro en representación do Goberno Local.

Segundo indicou esta mañá o propósito do encontro é abrir “a grupos municipais, a todas as asociacións de veciños, grupos ecoloxistas, a todas as comunidades de montes, aos colectivos de mariscadores… e a todo o mundo a título individual que se queira sumar a esta iniciativa” para abordar en profundidade a campaña informativa que se pretende realizar sobre o futuro da enseada de Lourizán, de tal xeito que a cidadanía dispoña da información sobre o que implicaría que Ence se quedase en Lourizán por 50 anos máis.

Esta campaña será presentada nos vindeiros días á cidadanía.