Os empresarios de Ferrolterra organizan unha xornada sobre a responsabilidade penal da persoa xurídica

A Asociación de Empresarios Ferrolterra en colaboración co despacho de avogados MAIO Legal organiza esta xornada cuxo obxectivo é dar a coñecer ao empresario as novidades en materia de responsabilidade penal da empresa e do empresario tras a modificación do Código Penal o pasado 1 de xullo de 2015.

A xornada vai dirixida a empresarios, xerentes, administradores, responsables do departamento legal de Pemes e/ou interesados en coñecer o novo marco legal de responsabilidade penal das persoas xurídicas, abordará as novas obrigacións do empresario, o protocolo de prevención penal, as penas a impor segundo o art. 33.7 do Código Penal, tipos delituosos de especial relevancia… O relator será Ramón Amoedo. Socio Área Penal e Administrativo de MAIO Legal.

Terá lugar o vindeiro mércores, 14 de outubro, de 18:30 a 20:00 horas na Asociación de Empresarios Ferrolterra.

A xornada é gratuíta. Imprescindible inscricións en info@empresarios-ferrolterra.org / 981 333 305